Parabhava Sutta
Pāli Text
Evam me sutam
Ekam samayam Bhagavā
Sāvatthiyam viharati
Jetavane Anāthapindikassa ārāme
Atha kho aññātarā devatā
Abhikkantāya rattiyā abhikkanta vannā
Kevala kappam Jetavanam obhāsetvā
Yena Bhagavā tenupasamkami
Upasamkamitvā bhagavantam
Abhivādetvā ekamantam atthāsi
Ekamantam thitā kho sā devatā
Bhagavantam gāthāya ajjhabhāsi
Parābhavantam purisam
Mayam pucchāma Gotama
Bhagavantam putthumāgamma
Kim parābhavato mukham
Mayam pucchāma Gotama
Bhagavantam putthumāgamma
Kim parābhavato mukham
Suvijāno bhavam hoti
Suvijāno parābhavo
Dhammakāmo bhavam hoti
Dhammadessī parābhavo
Suvijāno parābhavo
Dhammakāmo bhavam hoti
Dhammadessī parābhavo
Iti hetam vijānāma
Pathamo so parābhavo
Dutiyam Bhagavā brūhi
Kim parābhavato mukham
Asantassa piyā honti
Sante na kurute piyam
Asatam dhammam roceti
Tam parābhavato mukham
Iti hetam vijānāma
Dutiyo so parābhavo
Tatiyam Bhagavā brūhi
Kim parābhavato mukham
Niddāsīlī sabhāsīlī
Anutthātā ca yo naro
Alaso kodhapaññāno
Tam parābhavato mukham
Iti hetam vijānāma
Tatiyo so parābhavo
Catuttham Bhagavā brūhi
Kim parābhavato mukham
Yo mātaram vā pitaram vā
Jinnakam gatayobbanam
Pahusanto na bharati
Tam parābhavato mukham
Iti hetam vijānāma
Catuttho so parābhavo
Pañcamam Bhagavā brūhi
Kim parābhavato mukham
Yo brahmanam vā samanam vā
Aññam vā pi vanibbakam
Musāvādena vañceti
Tam parābhavato mukham
Iti hetam vijānāma
Pañcamo so parābhavo
Chatthamam Bhagavā brūhi
Kim parābhavato mukham
Pahūtavitto puriso
Sahirañño sabhojano
Eko bhuñjati sādūni
Tam parābhavato mukham
Iti hetam vijānāma
Chatthamo so parābhavo
Sattamam Bhagavā brūhi
Kim parābhavato mukham
Jātitthaddho dhanatthaddho
Gottatthaddho ca yo naro
Saññātim atimaññeti
Tam parābhavato mukham
Iti hetam vijānāma
Sattamo so parābhavo
Atthamam Bhagavā brūhi
Kim parābhavato mukham
Itthidhutto surādhutto
Akkhadhutto ca yo naro
Laddham laddham vināseti
Tam parābhavato mukham
Iti hetam vijānāma
Atthamo so parābhavo
Navamam Bhagavā brūhi
Kim parābhavato mukham
Sehi dārehi asantuttho
Vesiyāsu padissati
Dissati paradāresu
Tam parābhavato mukham
Iti hetam vijānāma
Navamo so parābhavo
Dasamam Bhagavā brūhi
Kim parābhavato mukham
Atīta yobbano poso
Āneti timbarutthanim
Tassā issā na supati
Tam parābhavato mukham
Iti hetam vijānāma
Dasamo so parābhavo
Ekādasamam Bhagavā brūhi
Kim parābhavato mukham
Itthi sondim vikiranim
Purisam vāpi tādisam
Issariyasmim thāpeti
Tam parābhavato mukham
Iti hetam vijānāma
Ekādāsamo so parābhavo
Dvādasamam Bhagavā brūhi
Kim parābhavato mukham
Appabhogo mahātanho
Khattiye jāyate kule
So ca rajjam patthayati
Tam parābhavato mukham
Ete parābhave loke
Pandito samavekkhiya
Ariyo dassana-sampanno
Sa lokam bhajate sivan’ti